ég var búin að skrifa fullt og það kom ekki inn. ojbara ég er brjáluð og ætla ekki að blogga í ár!
lýsi frati á blogger og allt sem honum viðkemur.

gleðilegan þjóðhátíðardag!
ég mun hins vegar ekki fagna að gömlum sið og fara í bæinn, kaupa snuddu og kandíflos.. labba um í rigningunni (sem virðist bara VITA hvenær sautjándi júní er), horfa á allar gasblöðrurnar fljúga burt úr litlum höndum sem gráta í klukkutíma þangað til að ný blaðra er keypt.. litlu dekurrófur.. nú eða labba um hljómskálagarðinn með bjarna hönd í minni, verandi í rómantískum hugleiðingum sem innihalda ekki börn en kannski allt sem gerist áður en þau verða til iffjúnóvottæmín..
ég mun sitja inni í dag og svara fólki sem annað hvort fékk ekki djé vaff eða fréttablaðið nú eða er að missa af leik í há emm, sem er auðvitað það mikilvægasta þessa dagana.. dagurinn byrjaði á því að ég mætti pari á suðurgötunni klukkan sjöfimmtíuogein með bjór í hönd. huggulegt!
allir þeir sem vilja fara í bakarí í dag og koma með bakkelsi fyrir mig eru velkomnir í síðumúlann og get ég launað það með eins og einu klappi á bakið. svo vil ég benda fólki sem ég þekki kannski lítið og eru með albúm á síðunni sinni að skrifa við myndirnar. það er bara ekki eins gaman að hnýsast þegar maður getur ekki lesið hver þetta er á myndinni.

ég hef greinilega of lítið að gera. eigiði góðan dag..

ég sit í vinnunni og held að ég sé að fá eyrnabólgu. það er þó ekki vegna þess hve ég hef talað mikið í símann undanfarið, heldur út af einhverju öðru. hringir síminn rétt í þessu.. þjónustuver góðan dag.. ertu örugglega að horfa gegnum scartrásina? já.. þetta hljómar eins og vandamál með loftnetið þitt. ertu með örbylgjuloftnet?
af þessu samanstendur minn orðaforði þessa dagana. allir að hringja inn og panta sýn og fá aðstoð með stillingar og tengingar.
en svona fyrir utan vinnuna þá er ég bara hress og kát. ég vil endilega koma því fram við aðdáendurna að ég hef haft voða lítinn tíma til að skrifa hér í vefdagbókina og svo kem ég heim og nenni bara engan veginn í tölvuna, eftir að hafa setið fyrir framan slíka allan daginn. þá vitiði það.

annars er bara almenn stemning hér í vinnunni út af há emm.. persónulega hef ég fengið mun meiri áhuga á fótbolta eftir að hafa setið hér í 3 mánuði og talað um keppnina og selt fótboltaþyrstum viðskiptavinum áskrift að sýn. svo er líka leikur í gangi þar sem við völdum okkur menn í lið og fáum svo stig ef þeir skora í keppninni sjálfri eða ef liðið vinnur og svo framvegis. mjög skemmtilegt allt saman og er ég komin með 11 stig sem er algjört prump því sá efsti er með 55 stig. ég vil þó taka fram að ég valdi alveg sjálf í liðið og er mjög stolt af því að vera þó komin með 11 stig, því ég veit nánast engin deili á fótboltamönnum né hversu góðir þeir eru. ronaldinho og rooney eru þó að sjálfsgöðu þarna og treysti ég því á það að rooney spili með þegar nær dregur..

heyrðu halló halló hvað er að gerast.. rétt í þessu kom vaktstjóri til mín og spurði mig hvort ég vildi ekki bara fara heim. afþakkaði ég það? nei.